Qoy dünya tanısın
Qoy dünya tanısın
Bir oğlan rəsmi çək, rəssam
Çiynində kamera olsun,
Bir əsər yarat ki, ustad
Səsi aləmə yayılsın!
Bir igid rəsmi çək rəssam,
Qəlbi el yaralı olsun.
Gözündə düşmənə nifrət,
Elinə məhəbbət olsun!
Rəsmdə çəkib göstər ki,
Oğlan tank üstdə otursun.
Rəsmi elə həssas çək ki,
Baxan Çingizi tanısın!
O xalq faciəsin çəkdi,
Sən onun faciəsin çək!
O millətin dərdin çəkdi,
Sən millət qəhrəmanı çək!
O çəkdi dünya tanısın
Nifrətdən doğulanları.
Sən də çək, dünya tanısın,
Çingiz kimi oğulları!
O ürəyində çəkirdi
Sən kətan üzərində çək
O çəkdiyin gizləyirdi
Sən isə açıq-aşkar çək