Nərdənə və nar
Nərdənə bağa girdi
Bağdan bircə nar dərdi
Onu tək-tək dənələdi
Saydı gördü yüz dənədi
Nar dərən qız narı yedi
Sonra birini də dərdi.
Yenə saydı yüz dənəydi,
Nar yeyən qız Nərdənəydi.
Görün Nərdənə neylədi,
Doymayıb yenı nar dərdi,
Saydı o da yüz dənəydi
Nar yeyən qız Nərdənəydi.
Nərdənə, ay Nərdənə
Bizə də nar versənə!
Dedi, qonşu uşaqlar
Amma narsız qaldılar.
Nərdənə nardan doydu
Qarnı nə boyda oldu!
Yedi qız neçə yüz nar
Cavabını kim tapar?