Bayraq günü Bayrağımın qarşısında diz çökdüm,
Bayramını təbrik edib, əyilib onu öpdüm.
Çox şirinmiş, bal dadırmış Vətənimin bayrağı,
Əhd elədim bir gün onu Qarabağa sancmağı!..
Bayrağımın qarşısında and içdim, söz verdim mən,
Torpağımdan yox olacaq bir gün o mənfur düşmən.
İgidlərim Cıdır düzündə yenə at çapacaq,
Qarabağın şikəstəsi Şuşaya yayılacaq!
Qayıdacaq, yenə bizə əsir düşmüş torpaqlar,
Şadlıq edib, sevinəcək, bütün ellər-obalar
Tarix təkrar olsun, deyə, düşmənini, həmin an,
Həmişəlik məhv edəcək, Müstəqil Azərbaycan!
Müəllif: Gülzar İbrahimova