Təbiətə bax, aman
Qara bürünüb hər yan
Necə də gözəlsən, qar!
Füsünkarsan, füsünkar!
Qar, sənə bir söz deyim,
Sən yaz, yaydan göyçəksən!
Amma heç kəs bilməsin!
Eşidib inciməsin!
Qar, ərimə, gəlirəm!
Dur, paltomu geyirəm,
Hanı mənim əlcəyim,
Ərimə ha, qoy gəlim!
Uşaqlar ay uşaqlar!
Çölə çıxın, yağır qar
Gəlin həyətə düşək,
Xizək ilə sürüşək!
Biz qorxmarıq soyuqdan
Gizlənmərik şaxtadan
Hansı gün ki yağsa qar
Xoşbəxt olar uşaqlar!
Müəllif: Gülzar İbrahimova