Karandaş
Qardaşı Cəmiləyə
Rəngli qələmlər aldı
Qara, yaşıl, qırmızı
Çəhrayı, bir də sarı
Neçə qələm almışdı
Qardaşı Cəmiləyə
Saysan mənə də söylə
Oğru dovşan
Bostançıdan xəlvəti
Dovşan bostana girdi
Kələm yığmaq istədi
Gətirdiyi səbətə
O çoxlu kələm dərdi
Sevincək birin yedi
Əlindən düşdü biri
Düz çaya diyirləndi
Üçün qoydu zənbilə
İndi sən söylə mənə
Oğru dovşan bostandan
Neçə kələm dərmişdi?
Ad günü
Əslinin ad günündə
Əhməd bağa yollandı
Əslinin yaşı qədər
Ona çiçək balğadı
Üç qızılgül, dörd lalə
Bir zanbaq, bir bənövşə.
Bir de görüm Əslinin
Yaşı olurdu neçə?
Dəcəl cücələr
Yumurtadan bir səhər
Çıxdı qəşəng cücələr
İkisi sarı, ikisi qara
İkisi də ki ala-bula
Bu dəcəl balacalar
Hər yanı dağıtdılar
Ora-bura qaçaraq
Su qabın aşırtdılar
Anaş toyuq onların
İtirdi birdən sayın
Kömək edin siz ona
Cücələrini saysın
Gözəl paltarlar
Rəqsə gedir bizim Gülnar
Onun biri-birindən gözəl
Çoxlu rəngli paltarı var
Biri qəhvəyi, biri qara,
Biri də ki, ala-bula
Biri mavi, biri sarı
Neçə oldu donların sayı?
Ayaqqabı
Səkkiayaq Qırxayaqla
Getdilər mağazadan
Ayaqqabı almağa
Satıcı seçib onlara
İyirmi dörd cüt rənbərəng
Ayaqqabı gətirdi
Düz etdi, ya səhv etdi
Sayıb mənə də desən
Məni sevindirərsən
Dükanda
Bu gün ilk dəfə
Dükana getdim
Böyüklər kimi
Bazarlıq etdim
Üç konfet alıb
Bir də şokolad
Məktəbə getdim
İki konfeti
Orxana verdim
Birini dostum
Tərlana verdim
Özümə bəs nə
Qaldı, deyərsən
Desən bilərəm
Saya bilirsən
Rəqs
Rəqsə gedirəm
Rəqs öyrənirəm
Artıq neçə cür
Mən rəqs bilirəm
Yallı və Uzundərə
Vağzalı, Tərəkəmə
Nəlbəki, Naz eləmə
Say, tənbəllik eləmə
Onda bilərsən ki mən
Neçə cür rəqs bilirəm.
Yazıq Ayı
Bal yeməkçün boz Ayı
Pətəyə çöp uzatdı
Qəzəblənən Arılar
Boz Ayını sancdılar
İkisi qulaqlarından
İkisi dodaqlarından
Biri gönbul qarnından
İkisi ayaqlarından
De görüm yazıq Ayını
Neçə yerdən Arı sancdı?
Alma
Alma yığırdı bağdan
Zəhmətkeş qoca bağban
Bağa gəzməyə gəldik
Ondan meyvə istədik
Bağban on alma dərdi
Uşaqlara payladı
İkisini Nərminə,
İkisini Pərvinə,
İkisini Gülgünə,
İkisini Fəhminə
Deyə bilərsənmi sən?
Neçəsi qaldı mənə?
Tort
Sərçənin ad gününə
Bülbül qəşəng tort aldı
Tortu lentlə bağlayıb
Dostuna pay apardı
Dadlı tortdan meşənin
Bütün quşları yedi
Bülbül həm də ki, Sərçə
Sığırçın Ağacdələn
Qaranquş və Bildirçin
Sağsağan və Göyərçin
İndi mənə de görüm
Neçə quş tortdan yedi
Bülbülə «sağ ol» dedi?
Gülüş
Gülüş məndən balacadır
Gülüşün üç yaşı vardır
Hamıdan qabaq oyanır
Güzgüdə saçın darayır
Götürür ağır çantamı
Güya məktəbə yollanır
Nə qədər deyirəm ona
Sənin məktəbə getməyə
Gülüş hələ yaşın çatmır
Dəcəl bacım qulaq asmır
özlərindən hey yaş axır
Bəlkə sən deyəsən ona
Gülüş neçə ildən sonra
Birinci sinfə gedəcək
Nəhayət ki, sevinəcək?
Balıq
Balıqçı on balıq tutub
Vedrəsinə tulladı
Tülkü xəlvəti gəlib
Dörd balıq oğurladı
De neçə balıq qaldı?
Alça
Güllü düşdü həyətə
Əlində səkkiz alça
Üçün verdi Vəliyə
Üçün verdi Telliyə
Qulağıma de görüm
Bəs nə qaldı Güllüyə?
Ayı və armud
Ayı ağaca çıxıb
Beş armud birdən yedi
Beşini yemişdi ki,
Qarnı şar kimi şişdi.
Sonra üçün dişləyib
Ağacdan yerə atdı
Dayanmışdım uzaqda
İkisin mənə tulladı
Səncə ayı ağacdan
Neçə armud dərmişdi?
Ərik
Əhməd əgər tapa bilsən
Əlimdə nə gizlətmişəm?
Əlimdəki əriklərdən
İkisini sənə verrəm
Birini özüm yeyərəm
İndi mənə deyərsənmi
Neçə ərik var əlimdə?
Balaca pişiklər
Sarı pişik balaları
Çardağa çıxmışdılar
Ordaca qalmışdılar
Hay-küy salıb Sarı pişik
Səhərdən miyoldayırdı
İtmişdi gül balaları
Axtarırdı tapmırdı
Tez dırmaşdım çardağa
Balaları tapmağa
Görən kimi onlar məni
Hamısı qaçıb gizləndi
Biri yorğan arasında
Biri qapı arxasında
İkisi deşik qazanda
İkisi köhnə sandıqda
Biri ayaqqabı tayında
Alıb tək-tək qucağıma
Onları yerə düşürtdüm
Süd tapıb qaba töküb
Balalara içirtdim
Say görüm neçə dəfə
Çardağa düşüb çıxdım
Saysan deyərəm ki, sən
Yaxşı hesab bilirsən.
Yeni ilin mübarək
Yeni ildə bağçada
Bapbalaca uşaqlar
Böyük yolka qurdular
Yolkanın ətrafında
Hamı çaldı-oynadı
Şaxta baba hamıya
Hədiyyələr payladı
Kukla Verdi Aygünə
Dovşan verdi Nərminə
Yaddan çıxmadı Yalçın
Ona Verdi bir maşın
Sayıb bizə də desən
Hədiyyələrin sayın
Şaxta baba sənə də
Afərin söyləyəcək
Yeni ilin mübarək
A gül bala, deyəcək
Üç alma
Nağıl qurtaran kimi
Göydən üç alma düşdü
Biri nağıl deyənin
Biri də eşidənin
Neçəsi qaldı yerdə?
Onu da verəm gərək
Düzgün cavab deyənə.
Dənizdə
Düşərgənin uşaqları
Çimərliyə getdilər
Dəniz bu gün çox gözəldi
Oynadılar, çimdilər
Dəyişdi hava birdən
Hərə bir yana qaçdı.
Yağış başladı möhkəm
Sudan çıxıb iki bacı
İkisi də qurulandı
Biri islanmasın, deyə
Başına yaylıq bağladı
Bir oğlan çox uzaqdaydı
Çatanadək islandı
Üç qız oturmuşdu qumda
Tez qalxdılar ayağa
Bir oğlan çətir apardı
Avtobusa qoymağa
Tərbiyəçi uşaqların
Bir-bir hamısın saydı
Növbə indi də sənindir
Uşaqların de sayın!
Nağıl
Nadir dedi ki, Nənə,
Gəl, nağıl danış mənə
Əvvəl Jırdandan danış
Sonra da ki, Qoğaldan
Ondan sonra Keçidən
Sonra Məlikməmməddən
Məəttəl qalıb nənə
Soruşdu nəvəsindən
Neçə nağıl danışım?
Sən yuxuya gedəsən?
Nadir sayana qədər
Nağılların sayını
Bəlkə sən söyləyəsən?
Sualın cavabını.
Qarınqulu Gombul
Gombulun ad günündə
Böyük tort bişirdilər
Yaşının sayı qədər
Üstünə şam düzdülər
Uşaqlar gələnədək
Gombul dözə blmədi
Torta həsrətlə baxdı
Tez şamları gizləyib
Dördün stol altına
Birin həyətə atdı
Biri əlin yandırdı
Üçün cibinə saldı
Girib stol altında
Səssiz tortu aşırdı
Düzgün saysan şamları
Bilərsən ki gömbulun
Qarınqulu-dumbulun
Olurdu neçə yaşı
Svetoforda
İlqarla dostu Şahlar
İki mehriban dostlar
Dərsdən qayıdırdılar
Qırmızı işıq yandı
Svetoforda durdular
Maşınları saydılar
İki Mersedes keçdi,
Bir avtobus dayandı
Sərnişinləri düşdü
Bir ciquli ötüşdü
Svetofor işə düşdü
Tez mənə söylə görüm
İlqarla dostu Şahlar
Neçə maşın saydılar?